പാരമ്പര്യ, പാരമ്പര്യേതര ഊർജ്ജസ്രോതസ്സുകൾ

ഊർജ്ജത്തിന്റെ ഉറവിടങ്ങളെ പാരമ്പര്യ ഊർജ്ജസ്രോതസ്സുകൾ എന്നും പാരമ്പര്യേതര ഊർജ്ജ സ്രോതസ്സുകൾ എന്നും വകതിരിക്കാറുണ്ട്.

പാരമ്പര്യ ഊർജ്ജസ്രോതസ്സുകൾ

• വളരെക്കാലമായി ഉപയോഗത്തിലിരിയ്ക്കുന്ന, പുനഃസ്ഥാപിക്കപ്പെടാത്ത (പുതുക്കപ്പെടാൻ കഴിയാത്ത) ഊർജ്ജസ്രോതസ്സുകളാണ് പാരമ്പര്യ ഊർജ്ജസ്രോതസ്സുകൾ.
• ഖനിജ ഇന്ധനങ്ങളായ (ഖനനം ചെയ്തെടുക്കുന്ന) കൽക്കരി, ഇന്ധനയെണ്ണ (പെട്രോളിയം), പ്രകൃതിവാതകം തുടങ്ങിയ പാരമ്പര്യ ഊർജ്ജസ്രോതസ്സുകൾക്ക് ഉദാഹരണങ്ങളാണ്.
• ഇത്തരം ഊർജ്ജസ്രോതസ്സുകൾ ഭൂമിയിൽ രൂപം കൊള്ളാൻ 300 മുതൽ 600 വരെ ദശലക്ഷം വർഷങ്ങളെടുക്കും.
• ലോകത്തിലെ മൊത്തം വാണിജ്യാടിസ്ഥാനത്തിലുള്ള ഊർജാവശ്യങ്ങളുടെ 85 ശതമാനവും ഇപ്പോഴും നിറവേറ്റുന്നത് പരമ്പര്യ ഊർജ്ജസ്ത്രോതസ്സുകൾ ഉപയോഗിച്ചാണ്.
• ഇത്തരം ഇന്ധനങ്ങൾ കത്തിക്കുന്നത് പരിസ്ഥിതി മലിനീകരണത്തിനും, കാലാവസ്ഥ വ്യതിയാനത്തിനും കാരണമാകുന്നു.
• സംഭൃത ഊർജ ഉറവിടങ്ങൾ എന്നും ഇവയെ അറിയപ്പെടാറുണ്ട്

പാരമ്പര്യേതര ഊർജ്ജ സ്രോതസ്സുകൾ

• പുനഃസ്ഥാപിക്കാൻ (പുതുക്കപ്പെടാൻ) ശേഷിയുള്ള ഊർജ്ജസ്രോതസ്സുകളാണ് പാരമ്പര്യേതര ഊർജ്ജ സ്രോതസ്സുകൾ എന്നറിയപ്പെടുന്നത്. ഉപയോഗിച്ചാലും, ഇല്ലെങ്കിലും പ്രകൃതിയിൽ ഇവ വീണ്ടും വീണ്ടം പുനഃസ്ഥാപിച്ചുകൊണ്ടിരിക്കും.
• സൌരോർജ്ജം, കാറ്റിൽനിന്നുള്ള ഊർജ്ജം, തിരമാലയിൽനിന്നുള്ള ഊർജ്ജം, ജലത്തിൽ നിന്നുള്ള ഊർജ്ജം, ജിയോ തെർമൽ, ജൈവവാതകങ്ങൾ എന്നിവയാണ് പ്രാധാന പാരമ്പര്യേതര ഊർജ്ജസ്രോതസ്സുകൾ.
• പരിസ്ഥിതി മലിനീകരണം ഉണ്ടാക്കാത്ത, കാലാവസ്ഥയ്ക്ക് കോട്ടം വരുത്താത്ത ഊർജ്ജസ്രോതസ്സുകളാണ് പാരമ്പര്യേതര ഊർജ്ജ സ്രോതസ്സുകൾ.
• ഇവയെ നിതാന്ത അഥവാ അക്ഷയ അഥവാ വറ്റാത്ത ഊർജ്ജ സ്രോതസ്സുകൾ എന്നും വിളിക്കാറുണ്ട്.

പ്രധാന ചോദ്യോത്തരങ്ങൾ

1

ലോകത്തിലെ ആദ്യ സമ്പൂർണ്ണ സൌരോർജ്ജ അന്താരാഷ്ട്ര വിമാനത്താവളം ഏതാണ്

ഉത്തരം :: നെടുമ്പാശ്ശേരി അന്താരാഷ്ട്ര വിമാനത്താവളം (കൊച്ചി)

2

സൌരോർജ്ജത്തിൽ നിന്നും ഏറ്റവും കൂടുതൽ വൈദ്യുതി ഉത്പാദിപ്പിക്കുന്ന ഇന്ത്യൻ സംസ്ഥാനം ഏതാണ്

ഉത്തരം :: ഗുജറാത്ത്

3

സൌരോർജ്ജത്തെ വൈദ്യുതോർജ്ജമാക്കി മാറ്റുന്ന സാങ്കേതിക വിദ്യ ആറിയപ്പെടുന്നത്

ഉത്തരം :: സോളാർ ഫോട്ടോ വോൾട്ടേജ് ടെക്നോളജി (എസ്.പി.വി.റ്റി)

4

ജവഹർലാൽ നെഹ്റു സോളാർ മിഷൻ എന്താണ്

ഉത്തരം :: സമ്പൂർണ്ണ സൌരോർജ്ജ ഉത്പാദനത്തിനായി ഇന്ത്യൻ പാർലമെന്റ് പാസ്സാക്കിയ നിയമം

5

100 ശതമാനം സൌരോർജ്ജത്തിൽ പ്രവർത്തിക്കുന്ന പ്രാഥമികാരോഗ്യ കേന്ദ്രങ്ങൾ ഉള്ള ഇന്ത്യയിലെ ആദ്യ ജില്ല ഏതാണ്

ഉത്തരം :: സൂറത്ത്

6

സൌരോർജ്ജം ഉപയോഗിച്ച് പറന്ന ആദ്യത്തെ വിമാനം ഏതാണ്

ഉത്തരം :: സോളാർ ഇംപൾസ്

7

കാറ്റിൽ നിന്നും ഏറ്റവും കൂടുതൽ വൈദ്യുതി ഉല്പാദിപ്പിക്കുന്ന ഇന്ത്യൻ സംസ്ഥാനം

ഉത്തരം :: തമിഴ്നാട്

• ഏറ്റവും കൂടുതൽ കാറ്റാടി പാടങ്ങളുള്ള ഇന്ത്യൻ സംസ്ഥാനവും തമിഴ്നാടാണ്
• തമിഴ്നാട്, ആന്ധ്രാപ്രദേശ്, കർണ്ണാടകം, ഗുജറാത്ത്, കേരളം, മഹാരാഷ്ട്ര എന്നിവ കാറ്റിൽ നിന്നും വൈദ്യുതി ഉല്പാദിപ്പിക്കുന്ന പ്രധാന സംസ്ഥാനങ്ങളാണ്
• ഇന്ത്യയിൽ ആദ്യമായി കാറ്റാടി പാടങ്ങൾ സ്ഥാപിച്ചത് 1986
• മുപ്പന്തൽ (തമിഴ്നാട്), വാങ്കുസവൈദെ (സത്താറ, മഹാരാഷ്ട്ര), സാമന (രാജ്കോട്ട് - ഗുജറാത്ത്), ജയ്സാൽമിർ (രാജസ്ഥാൻ) എന്നിവ ഇന്ത്യയിലെ പ്രധാന കാറ്റാടി ഫാമുകളാണ്

8

കാറ്റിൽ നിന്നും ഊർജ്ജം ഉല്പാദിപ്പിക്കുന്നതിൽ ലോകത്തിൽ ഇന്ത്യയുടെ സ്ഥാനം എത്രയാണ്

ഉത്തരം :: 5

9

ഇന്ത്യയിലെ ഏറ്റവും വലിയ കാറ്റാടിപ്പാടം

ഉത്തരം :: മുപ്പന്തൽ (തമിഴ്നാട്)

10

ഏറ്റവും കൂടുതൽ ആണവനിലയങ്ങളുള്ള ഇന്ത്യൻ സംസ്ഥാനം

ഉത്തരം :: തമിഴ്നാട്

11

രാജീവ്ഗാന്ധി അക്ഷയ ഊർജദിനമായി ആചരിക്കുന്നത്

ഉത്തരം :: ആഗസ്റ്റ് 20